في خاطري هآجوس مقلقني .. وله حولي شهر = والنوم ما جآني وانا تال الليال بأزهمه
هـآجوس يسرح ويهدف .. والعين مشقيها السهر = موقف وليته مآحصل .. مآهيب لحية ملهمه
يا شعر وأنت الصآحب الي فالموآقف مدخر = بعطيك مآيطري علي وأنت بفطـآنتك أرسمه
مآكل ما يكتب على قآف .. ووزن قالوآ[ شعر ] = يعني على ماقيل ماهي كل بيضآء بشحمه
أبيك تسبح فالبحر وتجيب مرجآن ودرر = جزآل قول وكل رجل لا قرآلــه يفهمه
أبيــآت لو طال الدهر .. تبقى على طول الدهر = ويقآل [ ابن دلعآن ] لامن قال قوله يحكمه
يابري حآل الي ليآ منه مشى خطوه عثر = مآهو كسير إلا زمانه حط عجزه فقدمه
يفرح ليا جوه العرب في ليل ولا في عصر = لكن ما يحتآل يمشي لابغى شبك غنمه
وده بضيفه لا قلط .. يقلط على جآل السمر = ويلقى الدلال الصفر عنده جآهزه وملقمه
ووده بخدمة كل من حوله .. ولامنه قدر = عز الله انه قدها ماهو بمن صلب رخمه
ووده ليآ من طروآ الخوه نشامى في سفر = يا إما سفر .. ولا قنص ينبز عصآه ومحزمه
لكن يــآعزي لحاله .. مامعه غير الصبر = يصبر مدآم أن العرب كلن ورزقه في فمه
بعض العرب ماقدره .. يقول ذا ماله عذر = مايدري أن حآله كسيف ..يقول ما لا يعلمه
هذا الزمن يآخذ من العالم .. ويعطيهم عبر = والي ضحك له وقته المقفي .. لابده يظلمه
يقوله الي وآطي من قسوة أيآمه جمر = صغير في سنه لكن عنك إن زمآنه علمه
آخير من طول الهروج أقولها .. بالمختصر = بعض البيوت الكآيفه .. يسوى لحآله ملحمه
يالي تعرفون [ الفقر ] تدرون وش معنى الفقر ..! = الفقر لا احتآجك قريب .. ولا استطعت ان تخدمه

يقوله الـي وآطـي مـن قسـوة أيآمـه جمـر صغير في سنه لكـن عنـك إن زمآنـه علمـه آخير من طول الهـروج أقولهـا .. بالمختصـر بعض البيوت الكآيفه .. يسـوى لحآلـه ملحمـه يالي تعرفون [ الفقر ] تدرون وش معنى الفقر ..! الفقر لا احتآجك قريب .. ولا استطعت ان تخدمـه